சுருக்கல் - 'பிடிவாதம்'

எனது கிறுக்கல்கள் சுருக்கமாக..

பிடிவாதம்

கரை நீ

அலை நான்!

நுரை தள்ளி போகிறேன்!

சுருக்கல் - 'பற்போர்'

எனது கிறுக்கல்கள் சுருக்கமாக..

பற்போர்

வெள்ளை சட்டை! ஆயுள் சிறை!
பற்கள் போர் தொடுக்க
லெக் பீஸ் உள்ளே சென்றுகொண்டிருந்தது.

சுருக்கல் - 'சோப்பு கட்டி'

எனது கிறுக்கல்கள் சுருக்கமாக..

சோப்பு கட்டி

ஒட்டி உறவாடும்
அந்தரங்க தோழனே!
உன்னை உருத்தெரியாமல் சிதைக்கும்
யாம்தாம் உமக்கு எமனே!

சுருக்கல் - 'ஆறுதல்...'

எனது கிறுக்கல்கள் சுருக்கமாக...

ஆறுதல்..

உறங்காமல் துரத்தும் நினைவுகளால்
விழிகள் மூட மறுக்க..
அவ்வப்போது கண்ணீர் துளிகள்!
குடை பிடித்த இமைகள்
ஆறுதலாய் அணைத்து முத்தமிட..
துளிகள் தொலைந்து தூக்கம் தழுவியது!

சுருக்கல் - 'காயாகி..கனியாகி..பூவாகி..'

எனது கிறுக்கல்கள் சுருக்கமாக...

காயாகி..கனியாகி..பூவாகி..

உறங்கும் போது பேசுகிறேன்..
பேசும் போது உறங்குகிறேன்..
காதோரம் செல்(ல) வண்டின் ரீங்காரம்..
என் காய்ந்த மனமும் கனிந்து பூவானதே!

சுருக்கல் - 'ஒரு துளி பொட்டு'

எனது கிறுக்கல்கள் சுருக்கமாக...

ஒரு துளி பொட்டு..

அழகே!
உன் நெற்றியில் ஓயாமல் விளையாடிய ஒற்றை முடி..
அது சிந்திய வியர்வை துளிதானோ உன் நெற்றிப்பொட்டு?

சுருக்கல் - 'சலசலப்பு'

எனது கிறுக்கல்கள் சுருக்கமாக...

சலசலப்பு..

பெண்ணே!
உன் மெல்லிய பாதம் தரையை தழுவ..
காய்ந்த சருகும் சலசலத்தது
என் மனம் எம்மாத்திரம்?

சுருக்கல் - 'பார்வைக்கு ஏக்கம்'

எனது கிறுக்கல்கள் சுருக்கமாக...

பார்வைக்கு ஏக்கம்..

உயிரே..
சற்றே திரும்பி பார்த்தால்தான் என்ன?
ஏமாற்றி செல்லும் கார் மேகமாய் கடந்து செல்கிறாய்..
உன் மழை பார்வை படும் இடத்தில் காளானாய் முளைக்க துடிக்கிறேன்!!

சுருக்கல் - 'அம்மாவின் கரிசனம்'

எனது கிறுக்கல்கள் சுருக்கமாக...

அம்மாவின் கரிசனம்..

அம்மா அழுதாள்..
நானும் அழுதேன்!
விட்டு விட்டு..
காதில் விழுந்தது..
'பாவம்டி மாப்ள'!!

சுருக்கல் - 'பரவசம்'

டி.ஆர் ஸ்டைலில் ஒரு சுருக்கல்...

பரவசம்..

உனை பார்த்த நாள் முதல் பரவசம்..
இனி நான் இல்லை என் வசம்..
என் இதயம் உனக்கே இலவசம்..
உன் மேல் வைத்தேன் நேசம்..
இப்போதெல்லாம் பிடிப்பது பூ வாசம்..
நான் சொல்வதெல்லாம் நிசம்..
சரி..
போய் இப்போ வைக்கிறேன் ரசம்..
இல்லைனா நண்பன் பாடுவான் வசம்!

நாசம்! நாசம்! அப்டீனு நீங்க சொல்றது கேக்குது! ஹி ஹி!!

சுருக்கல் - 'வெள்ளை காகிதம்'

எனது கிறுக்கல்கள் சுருக்கமாக...

வெள்ளை காகிதம்..

பிரிண்டரில் நுழைந்த வெள்ளை காகிதமாய்
உன்னில் நுழைந்தேன்!
உன் அச்சுகள் என்னில் பதிய..
அர்த்தம் பெற்றதாய் உணர்கிறேன்!

சுருக்கல் - 'சிரிப்பு'

எனது கிறுக்கல்கள் சுருக்கமாக...

சிரிப்பு..

குட்டி தீவே!
சில்லரை கொட்டுவது போல் சிரிக்கிறாய்!
என் செல்பேசி நிறுவனத்தின் உண்டியல் நிரம்பி வழிகிறது!!

சுருக்கல் - 'ஐஸ் ஐஸ் பேபி'

எனது கிறுக்கல்கள் சுருக்கமாக...

ஐஸ் ஐஸ் பேபி..

பூமிக்கு ஐஸ் வைத்தவன் யாரோ தெரியவில்லை..
பெண்ணே!
என் பூமி நீதான்..
எத்தனை முறை உருகினாலும்
ஐஸ் வைப்பேன்!

சுருக்கல் - 'களவாணி முத்தம்'

எனது கிறுக்கல்கள் சுருக்கமாக...

களவாணி முத்தம்..

பெண்ணே!
எண்ணக் குவியலில் வழுக்கி..
உன் கன்னக்குழியில் விழுந்தேன்!
யாரும் பார்க்கும் முன்..
களவாணித்தனமாய் உனை முத்தமிட்டு எழுந்தேன்!!

காதலர் அன்பர்களுக்கு இனிய காதலர் தின வாழ்த்துக்கள்!

சுருக்கல் - 'கண்ணீரின் கெஞ்சல்'

எனது கிறுக்கல்கள் சுருக்கமாக...

கண்ணீரின் கெஞ்சல்..

கண்ணுக்குள் இருந்தவனை கை விடலாமா ?
விழியின் இமையை விடாது பிடித்துத் தொங்கும்..
கண்ணீரும் கெஞ்சுகிறது!

சுருக்கல் - 'நரை'

எனது கிறுக்கல்கள் சுருக்கமாக...

நரை..

நிலக்கரிச் சுரங்கத்தில் வெள்ளி!
அதை சாயம் பூசி
கரி ஆக்கினாள் கள்ளி!!

சுருக்கல் - 'உயிரோசை'

எனது கிறுக்கல்கள் சுருக்கமாக...

உயிரோசை..

பெண்ணே!
இதமான உயிரோசை எழுகிறது!
இதயத்தில் துளைகள் போட்டு
புல்லாங்குழல் வாசிக்கிறாய்!

சுருக்கல் - 'மென்பொறியாளர்கள்'

எனது கிறுக்கல்கள் சுருக்கமாக...

மென்பொறியாளர்கள்..

அன்றைய கல்லூரி காலத்துப் பட்டாம்பூச்சிகள்!
கணினித்திரையின் வெளிச்சத்தில்..
இன்றைய மெல்லச் சாகும் விட்டில் பூச்சிகள்!

சுருக்கல் - 'கள்ளக் காதல்'

எனது கிறுக்கல்கள் சுருக்கமாக...

கள்ளக் காதல்..

கற்றது உடலளவு
கல்லாதது மனதளவு!

சுருக்கல் - 'நமீதா'

எனது கிறுக்கல்கள் சுருக்கமாக...

நமீதா..

நமீதா!
உன் பெயரில் விறகுக்கட்டை கடை வைத்தேன்
வியாபாரம் அமோகம்!

தண்ணீரில் தத்தளித்தவனும்..
உன் பெயரை கேட்டவுடன் மிதந்தான்!

மொத்தத்தில்..
Log ஆகா இருந்து kick தரும் Logic நீ!