பில்லா

பில்லா படம் பார்த்தேன். அப்படத்தைப் பற்றி கண்டிப்பாக எழுத வேண்டும் என்று தோன்றியது. இனி பில்லா என்றால் ரஜினி ஞாபகத்திற்கு வரமாட்டார். அஜித்தான் உடனே நம் கண் முன் வருவார். உயரம் தாண்டுதல் போட்டியில் அவனவன் ஆறடி ஏழடி என்று தாண்டும் போது ஒருவன் திடீரென்று இருபது அடி தாண்டினால் எப்படி இருக்கும். அப்படி ஒரு உணர்வு தான் ஏற்பட்டது.

ஆங்கில படத்தரத்திற்கு இணையாக கதையின் ஓட்டத்தை சிதற விடாமல் ஒரு தெள்ளிய நீரோடையை போல் படம் படு சுத்தம். ஒலி/ஒளி பிரமாதம். அடுத்த ஜேம்ஸ் பாண்ட் படத்திற்கு யுவனை தேர்ந்தெடுத்தால் ஆச்சர்யப்படுவதற்கு இல்லை. நயன் தாரா நீச்சல் உடையில் வரும் காட்சிக்கே கொடுத்த காசிற்கான பலன் கிடைத்து விடும். நடனத்தில் மட்டும் அஜித் கொஞ்சம் கவனம் செலுத்தி இருக்கலாம். பரவாயில்லை, சாப்பிடும் போது சட்னியில் இருந்து கருவேப்பிளையை எடுத்து வைப்பது போல் ரசிக்க வேண்டியதுதான். படம் படு தூள்!!